Аноним (2) - Annue Christe - ноты, текст песни (слова)

COMMUNE UNIUS APOSTOLI
 vel purimorum
 ad vesperas
 
 Annue Christe sæculorum Domine, 
 Nobis per hujus tibi cari(a) merita, 
 Ut qui te coram graviter deliquimus
 Hujus solvamur gloriosis precibus.
 
 Salva Redemptor plasma tuum nobile,
 Signatum sancto vultus tui lumine;
 Nec lacerari sinas fraude dæmonum
 Propter quos mortis exsolvisti pretium.
 
 Noli captivos esse tuos servulos,
 Absolve reos, compeditos erige,
 Et quos cruore redemisti proprio
 Rex bone tecum fac gaudere perpetim.
 
 Sit tibi Jesu benedicte Domine
 Gloria, virtus, honor, et imperium,
 Una cum Patre, sanctoque Paraclito
 Cum quibus regnas Deus ante sæcula.