Anonymous - Ihesu redemptor - текст песни (слова)

Ihesu redemptor sæculi,
 Verbum Patris altissimi,
 Lux lucis invisibilis
 Custos tuorum pervigil;
 
 Tu fabricator omnium
 Discretor atque temporum,
 Fessa labore corpora
 Noctis quiete recrea.
 
 Ut dum gravi in corpore
 Brevi manemus tempore
 Sic caro nostra dormiat
 Ut mens in Christo vigilet.
 
 Te deprecamur supplices
 Ut nos ab hoste liberes,
 Ne valeat seducere
 Tuo redemptos sanguine.
 
 Quæsumus, auctor omnium,
 In hoc Paschali gaudio,
 Ab omni mortis impetu
 Tuum defende populum.
 
 Gloria tibi Domine,
 Qui surrexisti a mortuis,
 Cum Patre et Sancto Spiritu
 In sempiterna sæcula.
 Amen.