Аноним (2) - La chasse du lièvre - ноты, текст песни (слова)

Or escoutez gentilz veneurs,
 du lièvre ferons la chasse,
 resjouissons amoureux cueurs. 
 Or chascun plaisir amasse,
 assemblons nous,
 soyons dehet,
 sonnez trompettes et cornetz 
 pour faire l'assemblee. 
 Le vent est bon ayons tost faict, 
 a nous est la journee, 
 cha cha cha tous vrais veneurs, 
 allons en quest au buisson, 
 avant avant avant, 
 sonnez trompettes et cornetz, 
 avant cha mes amours blanche 
 vien cha herre, herre, her,
 cha Bruneau viens avant ma mye lourde 
 theuc theuc theuc 
 gnouf gnouf gnouf 
 troc troc troc 
 troc troc troc. 
 Maintenant assemblés nous avons des chiens, 
 des chiens pous nous esbatre 
 si fault bien le buisson batre,
 affin que courre les faisons 
 or laissez courrir Briffaut premier. 
 lesquels sont seurs et advises, 
 tenez bien Leuriers et Leurettes 
 par le colletz et vos lacettes de peur, 
 de peur qu'ilz ne facent domaige 
 de lancher au bocaig', ainsi aurons, 
 incontinent de la chasse l'esbattement. 
 Tronc tonc tronc 
 tronc tronc tronc 
 Escout'escoutez la Miraude, 
 prens ce chemin qui verdoye ici, 
 le vela qui trotte'a son plaisir, 
 vois tu pas ceste beste qui va la 
 la la la frere la, va oultre, 
 va bon temps mon amy, 
 vois tu pas s'il se derobe, 
 jay eus malle matinee, 
 toutesfois le cul devant m'estoit levé 
 que maulgré bien du cordelier, 
 vecy belle demeure a quoy tient 
 il tres cher sire'il ne tient pas a moy, 
 si faict a mon semblant sur ma foy 
 her la e le vois, her la je le vois, 
 Argentine ma mye, et tost, et tost, et tost 
 il se derobe et qu'il a peur, et qu'il a peur, 
 par cy gi vise viens tost 
 troc troc troc 
 troc troc toc 
 avant avant avant 
 troc troc troc 
 avant avant troc troc. 
 A que mauldi soit la pie 
 d'aujourdhuy ne me cessa d'en chasser, 
 elle m'en a fait perdre la vue, 
 dont n'est en moy d'en recouvrer. 
 Pour Dieu mon maistre, il nous soit pardonné et haubregier,
 et lire lire. 
 N'as tu point veu courrir le lièvre 
 lirelon fa 
 courre la hault sur ces bruyeres 
 lirelon fa ho ha ri ha rau 
 je le vois oultre'a luy va oultre
 va avant et ou est il, 
 il m'est eschapé tost tost 
 il y demeure jamais n'en rechappe, 
 je le vois asseure le vela prins
 et tost et tost et tost 
 que dis Franchois mon bon amy? 
 Escoutez il est mort, 
 qu'on garde bien qui ne soit deschiré, 
 si vous ne vous hatez fort rien n'y sera demouré. 
 Jamais je ne trouvay plus finne, 
 plus faulx lièvre, 
 retirons nous avant avant. 
 Rassemblons nous gentilz veneurs par amour je vous prie buvons d'aultant, 
 menons clameurs en sonnant la cuyrie, 
 le lièvr'est prins et rue jus. 
 Combien que noblesse pour chasse qu'il n'est tel deduict 
 que la chasse pour magnifier ce bon lièvre, 
 nous irons par doulce maniere boire 
 ces bons joly vins Collenois, 
 si chanterons a haulte voix: 
 combien que noblesse pour chasse qu'il n'est tel deduict que la chasse.