Аноним (2) - Mittit ad virginem - ноты, текст песни (слова), перевод

(Mittit ad virginem non quemvis angelum sed fortitudinem suum archangelum amator hominis.)
 Fortem expediat pro nobis nuntium naturae faciat ut praejudicium in partu virginis.
 (Naturam superet natus rex gloriae regnet et imperet et zyma scoriae tollat de medio.)
 Superbientium terat fastigia colla sublimium calcans vi propria potens in proelio.
 (Foras ejiciat mundanum principem secumque faciat matrem participem patris imperii.)
 Exi qui mitteris haec dona discere revela veteris velamen litterae virtute nuntii.
 (Accede nuntia dic Ave cominus dic plena gratia dic tecum Dominus et dic ne timeas.)
 Virgo suscipias dei depositum in quo perficias castum propositum et votum teneas.
 (Audit et suscipit puella nuntium credit et concipit et parit filium sed admirabilem.)
 Consiliarium Humani generis et deum fortium et patrem posteris in pace stabilem.
 (Cujus stabilitas nos reddat stabiles ne nos labilitas humana labiles secum praecipitet.
 Sed dator veniae concessa venia per matrem gratiae obtenat gratia in nobis habitet.
 Qui nobis tribuat peccati veniam reatus deleat et donet patriam in arce siderum.
 Amen.)