Jean Mouton - Missus est Gabriel angelus - ноты, текст песни (слова)

Missus est Gabriel angelus a Deo in civitatem Galilaee, cui nomen Nazreth,
 ad virginem desponsatem viro, cui nomen erat Joseph, de domo David, et nomen virginis Maria.
 Et ingressus angelus ad eam dixit:
 Ave Maria, gratia plena, Dominus tecum, benedicta tu in mulieribus.
 Que cum audisset, turbata est in sermone eius.
 Et cogitabat, qualis esset ista salutatio.
 Et ait angelus ei: Ne timeas, Maria, invenisti gratiam apud dominum.
 Ecce concipies, in utero et paries filium, et vocabitur nomen eius Jesum.
 Hic erit magnus et filius altissimi vocabitur, et dabit illi Dominus Deus sedem David patris eius, et regnabit in domo Jacob et regni eius non erit finis.
 Dixit autem Maria ad angelum:
 Quomodo fiet istud quoniam virum non cognosco?
 Et respondens angelus dixit ei:
 Spiritus sanctus super veniet in te, et virtus Altissimi obumbrabit tibi, ideoque et quod nascetur ex te sanctum, vocabitur filius Dei.
 Et ecce Elizabeth cognata tua et ipsa concepit filium in senectute sua et hic mensus est sextus illi, que vocatur sterilis quia non erit impossibile apud Deum omne verbum.
 Dixit autem Maria:
 Ecce ancilla Domini, fiat michi secundum verbum tuum. 
 
 The Cantus Firmus in Tenor 2 is:
 Vera fides geniti purgavit crimina mundi, et tibi virginitas inviolata manet.