Josquin des Prez - Benedicta es, caelorum regina - ноты, текст песни (слова), перевод

Benedicta es, caelorum regina,   
 Et mundi totius domina,       
 Et aegris medicina.         
 Tu praeclara maris stella vocaris, 
 Quae solem justitiae paris,     
 A quo illuminaris.         
 Te Deus Pater, ut Dei Mater     
 Fieres et ipse frater,       
 Cujus eras filia,          
 Sanctificavit, sanctam servavit,  
 Et mittens sic salutavit:      
 Ave plena gratia.          
 
 Per illud ave prolatum       
 Et tuum responsum gratum      
 Est ex te Verbum incarnatum,    
 Quo salvantur omnia.        
 
 Nunc Mater exora natum,       
 Ut nostrum tollat reatum,      
 Et regnum det nobis paratum     
 In caelesti patria.         
 Amen.