Josquin des Prez - Qui velatus facie fuisti - ноты, текст песни (слова)

Qui velatus facie fuisti, 
 Et penurias sustinuisti, 
 Sol justitiæ,
 Flexis illusus genibus,
 Cæsus quoque verberibus,
 Te petimus attentius,
 Esto nobis propitius, 
 Et per tuam clementiam, 
 Perducas nos ad gloriam. 
 
 Hora qui ductus ter tia, 
 Fuisti ad supplicia, 
 Christe ferendo humeris, 
 Crucem pro nobis miseris,
 fac sic te nos diligere, 
 Santamque vitam ducere, 
 Ut valeamus requie
 Frui cælestis patriæ. 
 
 In flagellis potum fellis 
 Bibisti amarissimum, 
 Omni genti recolenti 
 Tuæ mor tis supplicium, 
 Da vir tutem et salutem, 
 Christe redemptor omnium. 
 Honor et benedictio 
 Sit crucifixo Filio, 
 Qui suo supplicio 
 Nos redemit ab inferno.
 
 In amara crucis ara
 Fudisti rivos sanguinis,
 Jesu Christe, rex benigne,
 Consors paterni luminis,
 Sanguis Christi qui fuisti
 Peremptor hostis invidi,
 Fac nos ire et venire,
 Ad coenam Agni providi.
 
 Qui jacuisti mortuus
 In petra rex innocuus,
 Fac nos in te quiescere,
 Semperque laude reddere,
 Succurre nobis, Domine,
 Quos redemisti sanguine,
 Et duc nos ad coelestia
 Aeternae pacis gaudia.
 
 (S. Bonaventura)