Antiphona In loco pascuae ibi me collocavit. Antiphona Delicta iuventutis meae et ignorantias meas ne memineris, Domine. Antiphona Credo videre bona Domini in terra viventium. Lectio Responde mihi: quantas habeo iniquitates et peccata, scelera mea et delicta ostende mihi. Cur faciem tuam abscondis, et arbitraris me inimicum tuum? Contra folium, quod vento rapitur ostendis potentiam tuam, et stipulam siccam persequeris. Scribis enim contra me amaritudines, et consumere me vis peccatis adulescentiae meae. Posuisti in nervo pedem meum, et observasti omnes semitas meas, et vestigia pedum meorum considerasti. Qui quasi putredo consumendus sum et quasi vestimentum quod comeditur a tinea.
https://primanota.net/juan-vasquez/agenda-defunctorum-ad-matutinum-in-ii-nocturno-lyrics.htm