Stet quicumque volet potens aulae culmine lubrico, me dulcis saturet quies obscuro positus loco, leni perfruar otio, nullis nota Quiritibus aetas per tacitum fluat. Sic cum transierint mei nullo cum strepitu dies, obscurus moriar senex, illi mors gravis incubat qui notus nimis omnibus, ignotus moritur sibi.
https://primanota.net/orlando-di-lasso/stet-quicumque-volet-potens.htm