Claude Le Jeune - Perdre le sens - ноты, текст песни (слова)

1.
 Perdre le sens devant toy,
 Trembler, épris, et changer,
 Tein et regard, tout hors moy.
 
 Rechant :
 D'ou peut venir ma langueur ?
 Di m'en la cause mon coeur,
 Et donne moy de ce poizon guerizon.
 
 2.
 Estre muet et songer,
 Quand du malheur on craint cheoir,
 L'ame je veu décharger.
 
 3.
 Dru soupirer chacun soir,
 Or'pleur et ris en un joint,
 Espérer en dezespoir.
 
 4.
 Quand ne te voy ne voir point,
 Quand te revoy revoir tout,
 Austre soulas n'avoir point.
 
 5.
 Hors toy haïr jusqu'au bout,
 Maint amy plus precieus,
 Puis te chérir dessus tout.
 
 6.
 Estre bouillant tout en feus,
 Estre gelé, tout transi,
 Aucune fois tou les deus.
 
 7.
 Ha, tu le sais bien ainsi,
 Qu'en toy seule est mon émoy,
 Comme tout mon bien aussi.
 
 
 8.
 Puisque tu sais que c'est toy,
 Pren moy, de grâce, à mercy,
 Puis de ce mal guéris moy.