Heinrich Isaac - Prophetarum maxime - ноты, текст песни (слова), перевод

Prophetarum maxime, 
 vatumque princeps egregie, 
 qui matris in utero manens 
 flexis genibus redemptorem salutasti, 
 et quo nato paterna vocis organa perempta.
  
 Novum solvuntur in canticum, 
 luceque fruens digito terrarum orbis 
 demonstrasti salutem dicens: 
 Ecce agnus Dei, 
 ecce qui tollit crimina mundi.
 
 Concede nobis tuas digne 
 concinere laudes viasque tuas 
 et vocem in derserto clamantem nostra modulatione prosequi. 
 Per eum cujus tu superis 
 inferisque fuisti praecursor. 
 
 Posuit os meum Dominus 
 quasi gladium acutum, 
 sub umbra manus suae protexit me. 
 Elisabeth Zacharie 
 magnum virum genuit 
 Joannem Baptistam praecursorem Domini.
 
 Inter natos mulierum non surrexit 
 maior Joanne Baptista.