Heinrich Isaac - Virgo prudentissima a 6 - ноты, текст песни (слова), перевод

Virgo prudentissima quae pia gaudia mundo
 attulit, ut sphaeras omnes transcendit et astra
 sub nitidis pedibus radiis, et luce chorusca
 liquit et ordinibus iam circumsepta novenis
 ter tribus atque ierarchiis excepta. Supremi
 ante Dei faciem steterat, patrona reorum.
 Dicite qui colitis splendentia culmina Olimpi:
 Spirituum proceres, Anchangeli et Angeli et alme
 Virtutesque Throni vos Principum, et agmina sancta,
 vosque Potestates, et tu dominatio caeli
 flammantes Cherubin, verbo Seraphinque creati,
 an vos laetitiae tantus perfuderit unquam
 sensus, ut aeterni Matrem vidisse tonantis
 consessum. Caelo, terraque, marique potentem
 Reginam, cuius nomen modo spiritus omnis
 et genus humanum merito veneratur adorat. Vos, Michael, Gabriel, Raphael testamur ad aures
 illius, ut castas fundetis vota precesque
 pro sacro Imperio, pro Caesare Maximiliano.
 Det Virgo omnipotens hostes superare malignos:
 restituat populis pacem terrisque salutem.
 Hoc tibi devota carmen Georgius arte
 ordinat Augusti Cantor Rectorque Capellae.
 Austriacae praesul regionis, sedulus omni,
 se in tua commendat studio pia gaudia mater.
 Praecipuum tamen est Illi quo assumpta fuisti,
 quo tu pulchra ut luna micas electa es, et ut sol. Cantus firmus:
 Virgo prudentissima, quo progrederis, quasi aurora valde rutilans? Filia Sion.
 Tota formosa et suavis es: pulchra ut luna, electa ut sol.