Jacob Obrecht - Factor orbis - ноты, текст песни (слова), перевод

Factor orbis, Deus, nos famulos exaudi
 clamantes ad te tuos,
 et nostra crimina laxa die ista lucifera. Noe.
 Veni, Domine, et noli tardare,
 relaxa facinora plebis tuae Israel. Noe.
 Noe. Ecce Dominus veniet, noli timere.
 Alleluia. Noe.
 Ad te, Domine, levavi animam meam.
 Deus meus, in te confido, non erubescam.
 Canite tuba in Sion, quia
 prope est dies Domini.
 Crastina die erit vobis salus.
 Deus, qui sedes super thronos et
 judicas equitatem,
 esto refugium pauperum in tribulatione,
 quia tu solus laborem et dolorem consideras.
 Media vita in morte sumus.
 Quem quaerimus adjutorem, nisi te, Domine?
 Ecce veniet ad salvandum nos.
 0 clavis David et sceptrum
 domus Israel qui aperis, et
 nemo claudit; claudis, et nemo
 aperit: veni, et educ vinctum
 de domo carceris, sedentem in
 tenebris et umbra mortis.
 Alleluia.
 
 Spiritus Domini super me,
 evangelizare pauperibus jussit.
 Veniet fortior me, cujus non sum dignus
 corrigiam calciamentorum solvere.
 Hodie scietis, quia veniet Dominus,
 et mane videbitis gloriam ejus.
 Erunt prava in directa,
 et aspera in vias planas.
 Bethlehem, es civitas Dei summi,
 ex te exiet dominator Israel.
 Crastina die erit vobis salus,
 dicit Dominus exercituum.
 Crastina die delebitur iniquitas terrae,
 et regnabit super nos Salvator mundi.
 Alleluia. Noe.
 De caelo veniet dominator Dominus,
 et in manu ejus honor et imperium.
 Veni Domine et noli tardare.
 Beata es, Maria, quae credidisti,
 quae perficientur in te,
 quae dicta sunt tibi.
 Ave Maria, gratia plena, Dominus
 tecum, benedicta tu in mulieribus,
 et benedictus fructus ventris tui.
 Ecce Dominus veniet
 et omnes sancti ejus cum eo.
 Et erit in die illa lux magna.
 Alleluia. Noe.