Loyset Compère - Gaude prole regia/Sancta Catherina - ноты, текст песни (слова), перевод

Gaude prole regia,
 Virginum egregia,
 dulcis o Catherina!
 
 Congaudet exercitus
 Cherub te divinitus
 ferens in montem Sinai.
 
 Costo regi Cypri nata,
 moxque Christo desponsata
 passa Alexandria.
 
 Te clamat sanctam in caelis
 omnis natio fidelis,
 Francia cum Flandria.
 
 Symphonisant dulce melos
 cives qui habitant caelos
 tam digno consortio.
 
 Sponso tuo occurristi,
 laureata quae fuisti,
 digna caeli portio.
 
 Psallit laudes, canit hymnos,
 cantus personat divinos
 fidelis ecclesia.
 
 Laudes erumpit annuas,
 colens passiones tUas
 duraque supplicia.
 
 o quam dulcis, quam formosa
 quamque Christo gratiosa
 est haec regis filia!
 
 Quae spreta mundanitate
 amplexaque castitate
 nitet super filia.
 
 Da captivis libertatem,
 aegrotis incolumitatem,
 sis spes te deprecantium.
 
 Confer quaeso peregrinis
 sanitatem in divinis,
 sis via errantium.
 
 Tandem pia Virgo cave,
 ne quid in cor nostrum pravae
 infundat diabolus.
 
 Sed reice si quid assit
 ut post mortem aeterna sit
 mansio nostra polus.
 
 Sancta Catherina, ora pro nobis.
 Amen.