Matthaeus Pipelare - Vray dieu d'amours - ноты, текст песни (слова)

Vray dieu d'amours, confortez l'amoureux
 Qui nuit et jour vit en très grand martyr
 Pour la belle au gent corps et gracieux
 Qui ne me veut de joye ou jeux nantir.
 
 Pour vray vous dit sans en rien mentir
 Si vous requiers que j'ai allègement
 Joye et soulas au lieu de grief tourments
 Donnez secours, ne soyez égarée
 Car j'ai douleur plein de gémissements
 Deuil angoisseux, rage démesurée.
 
 S'il advenoit que fusse il heureux
 Qu'à mon désir puississe parvenir
 Oncques amant ne fust si vertueux
 S'amour vouloit à mon faict convenir
 Mais il me faict angoisse soutenir
 
 N'avoir ne puis repos aucunement
 Pour la belle qui me point ardamment
 Et enflammoit jouant à despérée
 Pour elle j'ai desconfort asprement
 Deuil angoisseux, rage démesurée.
 
 Son doux regard très plaisant et joyeux
 Et son gent corps me font grand desplaisir
 Quand je la vois je suis assez songeux
 De l'honnourer pour lui faire plaisir
 Puis la servir quand j'ai temps et loisir.
 
 Je veux mais suis sans quelque esbatement
 Triste, pensif, dolent entièrement.
 Qui me point fort, c'est dure destinée
 O dieu d'amours, ostez-moi brièvement
 Deuil angoisseux, rage démesurée.
 
 Prince d'amour, je requiers humblement
 Qu'on voit priant que ma très destrée
 Veuille en chasser de moi hastivement
 Deuil angoisseux, rage démesurée.