Thomas Stoltzer - Elisabeth Viduæ Sequentia - ноты, текст песни (слова)

Gaude Sion quod egressus
 A te decor et depressus
 Tui nitor speculi.
 
 Rediviva luce redit:
 O et alpha quod accedit
 Jam in fine sæculi.
 
 Poma prima primitivos
 Deus sanctos adhuc vivos
 Suo visit lumine./Vidit in cacumine
 
 Ut extremos addat primis
 Quamvis stantes nos in imis
 Suo visit lumine.
 
 Sed præ multis te respexit;
 Odor tuus hunc allexit
 Et saporis puritas.
 
 Tu de regum ramis nata
 Juste vere sis vocata
 Tu Dei saturitas.
 
 Gaudent astra matutina
 Qud in hora vespertina
 ortu novi syderis,
 
 Coeli sydus illustratur;
 in quo terræ designatur
 Novi signum foederis.
 
 Vere sydus tu præclarum
 Quod a sole differt parum
 Et luna lucidius.
 
 Tu quod sole sis amicta
 Carne probat hic relicta
 Lucis tuæ radius.
 
 O quam dignis luce signis!
 Vasa* rapis a malignis
 Possessa dæmoniis.
 
 Lepre(os) mundas labe tactos
 Claudos ponis et at(con)tractos
 in pedum officiis.
 
 Quod negatum est naturæ
 Tu virtutis agis jure
 Et potes ex gratia.
 
 Vita functos tu reducis,
 Cæcis reddis membra lucis,
 Et membrorum spatia.
 
 Eia mater, nos agnosce,
 Libro vitæ nos deposce
 Cum electis inseri.
 
 Ut consortes tuæ sortis,
 Et a poenis et a portis
 Eruamur inferi.
 
 Amen
 
    corpora hominum