Rex gloriose Martyrum corona confitentium, qui respuentes terrea perducis ad coelestia. Tu vincis in martyribus parcisque Confessoribus: Tu vince nostra crimina, largitor indulgentiae. Aurem benignam protinus appone nostris vocibus trophea sacra pangimus ignosce quod deliquimus. Gloria tibi Domine qui surrexisti a mortuis cum Patre et Sancto Spiritu in sempiterna saecula. Amen.