1. Qui procedis ab utroque, Genitore Genitoque, pariter, Paraclite: redde línguas eloquentes, fac ferventes in te mentes, flamma tua divite. 2. Amor Patris Filiique par amborum et utrique compar et consimilis: cuncta reples, cuncta foves, astra regis, caelum moves permanens immobilis. 3. Lumen carum, lumen clarum, internarum tenebrarum effugas caliginem. Per te mundi sunt mundati, tu peccatum, tu peccati, destruis rubiginem.