Аноним (2) - Alleluya: A nywe werke - текст песни (слова), перевод

Alleluya, alleluya, alleluya.
 
 A nywe werke is come on honde
 Þorw my3t & grace of Godys sonde:
 To saue Þe lost of euery londe,
 For now is fre Þat erst was bonde:
 We mowe wel synge, alleluia.
 
 By Gabriel by-gunne hit was;
 ry3t as the sunne shone thorwe the glas,
 Ihesu Cryst conceyued was
 of Mary moder, ful of grace.
 Nowe synge we here, alleluya.
 
 Nowe is fulfylled the prophecie 
 of Dauid and of Jeremie
 and also of Ysaie.
 Synge we ther-fore, both loude & hye,
 alleluya, alleluya.
 
 Alleluya, this swete songe,
 oute of a grene branche hit spronge.
 God sende vs the lyf Þat lasteth longe;
 nowe ioye & blysse be Þem a-monge
 Þat thus cunne synge, alleluya.