Якобюс Клеменс нон Папа - Souterliedekens - Psalm 34 - ноты, текст песни (слова)

Verordeelt o heer, ick bid u straffen wilt 
 Die mi bestriden en bevechten 
 Aengrypt u wapen ende schilt 
 U hulp wilt mi aenrechten 
 Trect u sweerdt, en houdt se in ghehechten. 
 segt tot myn siel mids desen 
 U salicheyt wil ick wesen.
 
 Die soeckê myn siele laet bescameê vry
 terug so wilt se laeten loopen
 beschaemt die quaet dênckê ouer my
 alst stof waeyt ouer hoopen
 gods enghel moet se so bestroopê
 doncker laet wordê haer ganghê.
 gods enghel moet se beuanghen.
 
 Si hebbê mi laghê heymelyck gheleyt
 en te vergeefs myn siel si wraectê.
 dus laet die strickê hem Zyn bereyt
 daer hi mi mede ghenaecten
 die hi voer mi verborghê maechtê
 myn siel sal blischap in god ontfaê.
 vruecht in Zyn salicheyt begaen.
 
 Al myn ghebeêtê sullen sprekê dâ 
 wie is o heer dy te ghelyckê?
 ghi coemt te batê den armê man.
 verlost hem vanden rycken.
 die valsche tuyghê sonder wyckê
 al dat my was oncondich
 dat vraechdê sy wtmondich.
 
 En sy mi quaet betaeldê voer dat doet
 op dat myn siele mocht verdroghen
 met allen commer, en teghenspoet
 end ick heb aen ghetoghen
 een haerê cleet, al sonder loghê:
 wanneer sy mi seer lastich vielê
 end wilden my vernielen.